الإستعباط القانونى ..

شروط تسجيل العقار

تسليم الاموال للحكومه

وتسليم الشعب للبيروقراطيه لينهك

الحياه في قلق وبلا ضمان لتملك عقارك

منقول من الأستاذ مجدي نسيم

المحامي بالنقض والإدارية العليا

مؤكد أن من وضع تلك الشروط ..عفوا ..شر ....كملوا أنتم !

شقتك ..مش شقتك لحد ما تسجل ..!!

بخصوص تسجيل العقارات وما تردد مؤخراً من أن الرسوم لن تقل عن خمسمائة جنيه ولن تزيد عن ألفي جنيه

- بص بقي يا عم الحاج علشان اريحك وتريحني

حضرتك بتروح تقدم طلب للشهر العقاري بتدفع فعلا رسم الطلب حسب مساحة الوحده

يعني لو أقل من ١٠٠ متر هتدفع 500 جنيه فعلا

اه والله

ولو اكتر من ١٠٠ هتدفع الف ⁦

⁩

-- كده سجلنا ؟

- لأ طبعا

ده لسه في تصديق نقابه المحامين علي العقد بنسبة ١٪ من قيمة العقد

يعني لو شقتك مثلا ب ٢٠٠٠٠٠ جنيه هتدفع الفين جنيه لنقابة المحامين

-- ماشي يا سيدي ، كده سجلنا ؟

لأ لسه ، في ضريبة التصرفات ٢.٥٪ من قيمة العقد

-- مش دي علي البائع ؟

- ايوووون ، ادفع وابقي طالبه بيهم

-- اااه ، طيب كده نبقي سجلنا ؟

-لا ، ده فيه لسه رسم المساحة ١٩٠ جنيه لو أقل من ١٠٠ متر و ٣٨٠ لو اكتر من ١٠٠ ، ولو اكتر من ٢٠٠ متر ٥٧٠ .. وهكذا

--وكده خلص سجلنا ؟

-يا عم اصبر

لسه في رسم هندسي يعني رينج الف جنيه ، وقدامك حل من اتنين أما تعمله في مكتب هندسي معتمد ، وتمشي حالك مع البيه بتاع المساحه علشان يعتمده أو تتفق مع مهندس المساحه يعمله ويعتمده بمعرفته وتدفع مره واحده

يعني اعمل حسابك في الفين جنيه

--لاااااا بقي كده كتير ، خلاص مش هندفع اكتر من كده

-اصبررررر

بعد ما المساحة تخلص وتعمل كشف تحديد هتروح ترفع الدعوي في المحكمة

هتدفع رسوم حسب قيمة العقد

ضريبه ودمغه واتعاب محاماه ورسم دعوي في حدود من ٥٠٠ جنيه لألف جنيه حسب قيمة العقد

وبعدين تروح الشهر العقاري تدفع الامانه القضائية

--ودي ايه دي كمان القضائية أن شاء الله ؟

-دى رسوم تحت حساب شهر الحكم ، تدفع ٧٥٪ منها والباقي عند تسجيل الحكم

__طيب دي قيمتها كام ؟

-دي قيمتها ٤٥ جنيه علي كل الف

يعني لو عقدك ب ٢٠٠ الف ، هتدفع ٩٠٠٠ جنيه ، منهم ٦٧٥٠ في الشهر العقاري و ٢٢٥٠ بعد الحكم

--هاااااا

كده سجلنا ؟

-لا طبعا ، اصبر

لو ربنا كرمك وخلصت القصه دي في أقل من سنه ورفعت الدعوي واخدت حكم ، هتروح تسجل الحكم وتدفع باقي الأمانة القضائية زي ما قلنا

ولو لا قدر الله مخلصتش في سنه هتعيد الكره من جديد ، عدا التصديق على العقد في نقابة المحامين

--طيب خلصنا وخدنا حكم خلاص كده ؟

-لأ طبعاً

--ايه تااااني

-لسه الأتعاب

#منقول

من الأستاذ مجدي نسيم

المحامي بالنقض والإدارية العليا

#الثوره_قادمه

#هترحل_يا_سيسي

وهى ديه اللعبه هتلاقيك عشان تسجل تبداء الرحله السوده ديه وبالقانون يا استاذ وبعدين يابلحه ده وقته في ظل الكورونا والحاله الاقتصادية الهباب وخراب البيوت يا ج ا ح د ..

621Du und 620 weitere Personen

368 Kommentare

77 Mal geteilt

Wütend

Kommentieren

Teilen